Vlorë/Masakron gruan me levë në kokë dhe e hedh në greminë

Një 24-vjeçare i ka shpëtuar mrekulli mrekullisht agresionit të të shoqit mbrëmjen e së dielës.Ai ka qëlluar me levë në kokë duke i dëmtuar rëndë kafkën dhe më pas e ka hedhur trupin e saj nga një lartësi e konsiderueshme në tentativë për ta vrarë.

Gruaja nënë e një fëmije është gjetur dje rreth orës 02:20 buzë lumit në fshatin Kote.Ajo është dërguar me urgjencë në Spitalin e Vlorës,nga ku mësohet se gjendja e saj është  e rëndë.Disa orë më pas është bërë i mundur arrestimi i bashkëshortit të saj, 29-vjeçarit Ervis Hysi.

Nga hetimet paraprake ka rezultuar se çifti ka pasur konflikte për shkaqe xhelozie, dhe për shkak të dhunës, gruaja ka marrë fëmijën dhe është larguar te familja e saj në Selenicë.

Duket se lëvizjet e saj kanë qenë të kontrolluara pasi bashkëshorti i saj ka shkuar mbrëmjen e së dielës në fshatin Kote, ku 24-vjeçarja kishte shkuar te disa të afërm të saj.. Aty ai e ka takuar dhe e ka marrë në makinën e tij për të folur dhe për tu sqaruar me njëri- tjetrin.

Menjëherë sapo ajo është futur në makinë e bashkëshortit, të afërmit kanë lajmëruar familjarët e saj.Pas gjetjes së trupit të dhunuar të vajzës së tyre familjarët kanë kryer edhe kallëzim për dhëndrrin agresor, shkruan “Panorama”.