Një histori dashurie midis Obama-s dhe Beyonce-s

Reporteri francez, Pascal Rostain, pohoi sot për mikrofonin e “Radio Europe 1” se presidenti amerikan dhe këngëtarja janë përfshirë në një aferë rozë. Detajet do të dalin të martën në të përditshmen amerikane ‘Washington Post. “Në këto momente në Shtetet e Bashkuara po ndodh diçka e jashtëzakonshme, nesër në Washington Post do të dalin detajet mbi marrëdhënien  e Barack Obama-s me Beyonce-n”, thotë francezi.

Rostain, 56 vjeç është midis paparacëve më të famshëm dhe autor i skupeve të shumta të publikuara në të përjavshmen “Paris Match”, të tilla si fotot e para të dashurisë midis ish-bashkëshortes së ish-presidentit francez Sarkozy, Cecilia dhe agjentit publicitar Richard Attias, në vitin 2005. Ai ishte gjithashtu edhe autori i imazheve të para në vitin 1994 mbi vajzën sekrete të presidentit të atëhershëm Francois Mitterrand, apo të lidhjes së princeshës Carolina të Monakos me tenistin Guillermo Vilas. / D.Gjuzi