Kush e shpëtoi këtë njeri? Përgjigja është: Loja online, Zhu Xian 2 (Video)

Një ngjarje e pazakontë ka ndodhur në Kinë. Një kamion ishte gati duke u përplasur me një çiklist me karrocë, por ai shpëton... çuditërisht!

Drejtuesi i kampionit ndalet për të parë se çfarë ka ndodhur. A është fjala për teleportim, UFO, apo diçka hyjnore?

Ngjarja ka ndodhur në shtator 2012. Ndërsa, ende nuk dihet se kush e ka shpëtuar njeriun e moshuar!!!

Kështu në fakt raportojnë edhe sot shumica e mediave - përfshirë ato shqiptare - për një video që ka kohë që është përhapur në mënyrë virale. Por, e vërteta është krejt ndryshe: videoja është realizuar me editim kompjuterik dhe me aktorë.

Në fakt, kjo është një nga promot e video-lojës për “Dragon Totem Girl” (Zhu Xian 2), si pjesë e kampanjës reklamuese ku “heroina” e lojës ka superfuqi me të cilat ndihmon njerëzit në përditshmërinë e tyre.

Zhu Xian 2 është një lojë online e realizuar në Kinë nga kompania Perfect World. Ndërsa, “xhirimet” nga gjoja kamerat e sigurisë, janë bërë për ta prezantuar në mënyrë më “reale” karakterin nga kjo lojë.

Më poshtë mund ta shihni edhe një video tjetër të kampanjës reklamuese. /Telegrafi/