Zhdukjet dhe rëniet misterioze të aeroplanëve: Nga Trekëndëshi i Bermudës e deri në Ande (Video)

Zhdukjet misterioze dhe rëniet e aeroplanëve kanë zënë vend në histori, dhe për disa prej tyre nuk është ende e qartë se si kanë ndodhur. Telegrafi ju sjellë disa nga historitë e tilla më të veçanta. Rrethanat në të cilat u zhduk aeroplani i Malaysia Airlines, janë ende të paqarta, ndërsa çdo çast vijnë të dhëna të reja shqetësuese: që nga pasaportat e vjedhura e deri te celulari i një personi i cili cingëron sa herë që e kanë telefonuar.

Rastet e tilla janë të shumta në histori. Kështu, në pasditen e 5 dhjetorit 1945, Fluturimi 19 nga Fort Lauderdale u zhduk në hapësirën ajrore të Bermudës, të njohur si Trekëndëshi i Bermudës. Një orë e gjysmë pas fluturimit, pilotët tregojnë se kanë vështirësi, se janë çorientuar dhe nuk janë në gjendje të dinë se ku janë.

Piloti kryesor raportoi se ka probleme me busulle. Koha ishte e keqe dhe nga ekuipazhi disa herë përsëritën se nuk shohin gjë. Në aksident humbën jetën 14 persona. Pos kësaj, aeroplani të cilin e dërguan për ndihmë, po ashtu u zhduk në mënyrë misterioze.  

Aksidenti i ekipit uruguaian të ragbit në Ande është shfaqur në filmin “Alive”. Aeroplani i tyre u rrëzua për shkak të kushteve të këqija të motit në Ande, dhe nga 45 pasagjerët u vranë 12. Edhe gjashtë të tjerë vdiqën në ditët në vijim dhe tetë të tjerë në ortekun e shkaktuar nga një pjesë e aeroplanit të cilit të mbijetuarit e përdorën si strehë. Të 16 pasagjerët e mbijetuar u bënë kanibalë, meqë i kanë ngrënë trupat e miqve të vrarë. Ata u gjetën 72 ditë dhe atë pasi dy vetë nga grupi nisën rrugëtimin dhjetëditor derisa hasin një tregtar që ka alarmuar të gjitha institucionet. Fluturimi 990 i Egypt Air nga New Yorku në Kajro në vitin 1999, ishte një nga fatkeqësitë më të rënda ku u vranë 217 udhëtar. Gamil el-Batouty, kopilot, gjatë fluturimit u akuzua për sjellje të pahijshme seksuale, pikërisht në aeroplan, meqë këtë sjellje e kishte parë një drejtor i kompanisë që ishte pasagjer në ato momente. Drejtori i tha atij se ky do të jetë fluturimi i tij i fundit, ndërsa kopiloti iu përgjigj: “Edhe për ty do të jetë fluturimi i fundit”! Kur gjatë fluturimit piloti shkoi në WC, kopiloti e ndali autopilotin e tha: “Unë besoj në Zot” dhe nisi të shkatërrojë aeroplanin. Videoja e zbuluar tregoi se ai këtë fjalë e përsëriti disa herë. Ndërsa, kur u kthye piloti, ishte vonë për ta rregulluar diçka. Zhdukja e Amelia Earhartit në vitin 1937, edhe sot është mister i pazgjidhur. Ajo ishte duke fluturuar mbi oqean, që ishte përpjekja e parë e një gruaje për ta bërë këtë. Ndërsa, u zhduk në ishullin Howland. Ka disa teori se çfarë i ka ndodhur asaj. Më shpesh përmendet ajo se mbeti pa karburant dhe u rrëzua në det. Disa teoricienë të konspiracionit thonë se ishte spiune e presidentit amerikan Franklin Roosevelt, për çka është kapur nga japonezët. Më poshtë mund ta shihni edhe dokumentarin e plotë për tragjedinë e Fluturimit 990 të Egypt Air. /Telegrafi/