Catherine Ashton pritet në një vizitë në Iran

TEHERAN, 4 mars /ATSH-AFP/ – Shefja e diplomacisë evropiane, Catherine Ashton, pritet të mbërrijë në mbrëmjen e së shtunës në Teheran, deklaroi zëvendësministri i Jashtëm iranian, Abbas Araghchi, i cili citohej sot nga agjencia zyrtare e lajmeve Irna.

“Ashton do të mbërrijë në Teheran mbrëmjen e së shtunës. Ajo pritet të takohet me presidentin Hassan Rohani dhe ministrin e Jashtëm, Mohammad Javad Zarif”, deklaroi Araghchi.

Sipas mediave iraniane, konsultimet duhet të nisin të dielën dhe kryediplomatja evropiane pritet të vizitojë Ispahanin të hënën para se të largohet nga Irani./

/I.P/