E ardhmja u përket avionëve pa pilot, por…(VIDEO)

Avionët pa pilotë, të quajtur ndryshe edhe drone, janë e ardhmja.
Disa thonë se janë edhe e tashmja.
Kjo nisur edhe nga një incident i ndodhur në mars, por i zbuluar tani.
Mësohet se një drone për pak sa nuk u përplas me një avion tregtar në SHBA.
Një zyrtar i Administratës Federale të Aviacionit tha se ky incident tregon se sa rrezik përbëjnë të tilla mjete fluturuese.
Hetimi nuk ka zbuluar akoma se kush është pronari i avionit pa pilot.
Përdorimi i drone-ve është rritur ndjeshëm kohët e fundit dhe AFA është nën presion për të ndryshuar rregullat e fluturimeve.
Drone-t po përdoren gjithmonë e më shumë sidomos nga ushtria.
Së fundmi Ministria e Mbrojtjes e Britanisë së Madhe kreu një seri testesh me drone-t Reaper në Kaliforni.Nga këto avionë pa pilotë u lëshuan raketat Brimstone.
Në nëntë përpjekje për të goditur një makinë që lëviz me 140 kilometra në orë, të nëntë goditjet janë të sakta.