Rrëzohet stadiumi i “Botërorit 2014″, 3 të vdekur në Brazil (VIDEO)

Tre janë viktimat si pasojë e këtij incidenti, që ka prishur planet e ndërtimeve të impianteve futbollistike në Brazil.

Një pjesë e mbulimit të stadiumit të ri të Iaqueros në San Paolo është rrëzuar, duke vrarë tre punëtorë që po punonin për t’i dhënë dorën e fundit këtij impianti.

Në origjinën e incidentit duhet të jetë një rënie e vinçit, që ishte duke ngritur një ngarkesë prej rreth 500 tonësh, duke u përplasur te pjesa mbuluese dhe duke shkaktuar rrëzimin.
Stadiumi, që ishte në ndërtim e sipër, është ai i caktuar për të pritur ndeshjen e hapjes së Botërorit 2014, e programuar për më 12 qershor, midis Brazilit dhe një kundërshtareje që do të dalë nga shorti i grupeve.

Struktura, që do të ketë një kapacitet prej 68 mijë vendesh, është gati për 94%. Por pas kësaj që ndodhi, kompletimi i tij mund të shkojë përtej afatit të vendosur nga FIFA, sipas të cilit Brazili duhet të kishte gati brenda dhjetorit 12 stadiumet protagoniste të Kupës së Botës.