Rusia, ultimatum forcave ukrainase në Krime

 Flota ruse e vendosur në Detin e Zi i ka dhënë kohë forcave ukrainase që të dorëzohen deri në orën 05:00 të së martes, ose në të kundërt do të përballen me sulm ushtarak.

Kështu shkruan agjencia e lajmeve Interfax, e cila citon një burim të ministrisë së Mbrojtjes ukrainase. Ministria nuk e ka konfirmuar menjëherë lajmin, dhe nuk dha komente lidhur me flotën ruse në Detin e Zi, e cila ka një bazë në Krime, të marrë nën kontroll nga forcat ruse.

“Nëse ata nuk dorëzohen para orës 05:00 nesër, një sulm i vërtetë do të fillojë kundër njësive dhe divizionet e forcave të armatosura në të gjithë Krimenë”- citon agjencia burimet ministrore.