Qeveria do të kthejë eshtrat e Ekrem Bej Vlorës në Shqipëri
Qeveria “Rama” në mbledhjen e ditës së sotme përpos disa vendimeve dhe projektligjeve ka vendosur gjithashtu edhe kthimin e eshtrave të Ekre...
https://flurudha-portal.blogspot.com/2014/03/qeveria-do-te-ktheje-eshtrat-e-ekrem.html
Qeveria “Rama” në mbledhjen e ditës së sotme përpos disa vendimeve dhe projektligjeve ka vendosur gjithashtu edhe kthimin e eshtrave të Ekrem Bej Vlorës në atdhe. Personaliteti i shquar shqiptar ka vdekur në Vjenë në vitin 1964 dhe është varrosur po në kryeqytetin austriak. Ai ka hyrë në histori si një nga diplomatët, historianët dhe politikanët e mençur. Rama me këtë vendim i plotëson amanetin Ekrem Vlorës, i cili ka lënë me shkrim se do të donte që eshtrat e tij të preheshin në Shqipëri.
Më poshtë vendimi i plotë i qeverisë.
“1. Kthimin në atdhe të eshtrave të personalitetit të shquar shqiptar të letrave Ekrem bej Vlora.
2. Ministria e Punëve të Jashtme, nëpërmjet misionit diplomatik të Republikës së Shqipërisë në Republikën Austriake, të organizojë procedurat e nevojshme ndërshtetërore për të sjellë në atdhe eshtrat e Ekrem bej Vlorës.
3. Ceremonia shtetërore e kthimit në atdhe të eshtrave të Ekrem bej Vlorës të organizohet menjëherë me kthimin e
Ekrem Bej Vlora
eshtrave.
4. Efektet financiare, që rrjedhin nga zbatimi i këtij vendimi, të përballohen nga buxheti i miratuar për vitin 2014, për Ministrinë e Kulturës.
5. Ngarkohen Ministria e Kulturës dhe Ministria e Punëve të Jashtme për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.