FOTO – Kelly Brook: Përkrahja që më ka ardhur nga gjithë bota më bëri t’i harroj kritikat

Kelly Brook po kritikohet me të madhe së fundi për dukjen e saj, por asaj mbështetjet po i arrijnë nga çdo anë. Edhe pse ajo çmohet për format e saj trupore, shtypi britanik dhe ai amerikan e kanë kritikuar për kilogramët shtesë.

Kelly gjatë intervistës me mediet, ka deklaruar se është e befasuar me kritikat, por prapë ndjehet bukur në trupin e saj. “Unë kam vithe të mëdha, kështu ka qenë tërë jetën dhe nuk mund të bëj asgjë”, ka thënë ajo.

Por bukuroshja e cila vijën e trupit e mban me ushtrime dhe jogë, ka thënë se ka qenë e prekur me mbështetjen e cila ka ardhur nga të gjitha anët, ku shumë femra i kanë thënë se ajo është një shembull për to. “Përkrahja që më ka ardhur nga të gjitha anët e botës më bëri që t’i harroj të gjitha kritikat”, tha Brook.