Fëmijët me shumë baballarë të VIP-ave

Lufta e atësisë së njerëzve të famshëm, të cilët e kanë të vështirë të përcaktojnë babanë mes shumë partnerëve

Kush është babai?

Jude Law: Aktori britanik, shumë i njohur për tradhtinë që i bëri Sienna Miller-it me dadon e fëmijëve, u bë baba për herë të katërt pas romancës që zgjati vetëm një natë me modelen Samantha Burke në vitin 2008. Fillimisht Jude e mohoi faktin se ishte babai i fëmijës, por analiza e ADN-së tregoi të kundërtën. Ai u shpreh se do t’i siguronte fëmijës mbështetjen e duhur, por nuk kaloi shumë kohë dhe ai deklaroi se kishte vetëm tri fëmijë.

Steve Jobs: Ish-drejtori i përgjithshëm i “Apple” e la shtatzënë të dashurën e tij të universitetit kur ajo ishte 23 vjeçe. Ai e mohoi se ishte babai dhe kështu Chrisann Brennan u detyrua të raportonte për këtë te CNN. Jobs madje u betua në gjykatë se nuk mund të ishte babai i Lizës, sepse ai ishte steril. Por testi i atësisë vërtetoi përfundimisht se deklarata e tij nuk ishte e vërtetë dhe se Jobs ishte babai i Lizës.

Arnold Schwarzenegger: Pas 25 vjetësh martesë, ylli i “Terminatorit” u nda nga gruaja e tij Maria Shriver, kur pranoi atësinë e fëmijës së shërbëtores së shtëpisë Midred Baena. Në atë kohë djali, Joseph, ishte 10 vjeç. Në fakt, shërbëtorja ishte shtatzënë në të njëjtën kohë me gruan e Arnoldit, që mbante në bark djalin Christopher. Shërbëtorja u shpreh se kujtonte që djali ishte i burrit të saj, por e kuptoi të kundërtën vetëm kur ai u rrit dhe filloi t’i ngjante aktorit.

Michael Lohan: Babai i aktores Lindsay, doli në faqen e parë të gazetave vitin e shkuar, kur u provua se ishte babai i një 17-vjeçareje, Ashley. Michael mendon se vajza është ngjizur kur ai ishte ndarë përkohësisht nga gruaja e tij Diana Lohan në vitin 1990. Kristi Horn, mamaja e vajzës, deklaroi se ata kishin arritur në një marrëveshje ku Michael pagoi 300 000 dollarë si mbështetje për vajzën. Babai i aktores së njohur, u bekua me një tjetër fëmijë këtë janar, kur e fejuara e tij lindi një djalë.

Eddie Murphy: Pasi ish e dashura e komedianit të njohur, këngëtarja Mel B., lindi një vajzë, Angel, aktori kërkoi një test atësie. Kur Mel B. u shpreh se vajza ishte e tij, Eddie tregoi pasigurinë e tij dhe tha se po priste derisa të bënte testin e ADN-së. Më pas u provua se ai ishte vërtet babai dhe kështu polici i njohur i Bevery Hills filloi t’i paguante vajzës një shumë mujore kujdestarie. Ata ndajnë të njëjtën ditëlindje, 3 prillin.

Matthew Knowles: Ishte më shumë se e turpshme kur babai i Beyonce doli se ishte gjithashtu edhe babai i fëmijës së një aktoreje. Kjo ndodhi i kushtoi atij martesën. Gruaja e tij, Tina, plotësoi dokumentet e divorcit kur mori vesh se Matthew mund të ishte babai i fëmijës së Alexsandra Wright, Nixon. Testi i ADN-së zbuloi se biznesmeni ishte babai i fëmijës. Në vitin 2011, martesa e tij me Tinën mori fund. Vajzat e tij, Beyonce dhe Solange munguan në dasmën që i ati bëri këtë qershor me ish-modelen Gena Avery.

Eric Clapton: Muzikanti është i njohur për jetën e trazuar që ka bërë, e për më tepër në aspektin dashuror. Sipas një historie, Clapton pati një romancë me Pattie Boyd, që ishte edhe gruaja e mikut të tij të mirë George Harrison, nga “Beatles”. Clapton u martua me Boyd, por në të njëjtën kohë doli se ishte babai i dy fëmijëve të tjerë me dy gra të ndryshme. Ai pati një djalë me Lori del Santo dhe një vajzë me Yvonne Kelly.

Liv Tyler: Aktorja e “Armageddon” dhe vajza e “Playboy”-it Bebe Buell, besoi për rreth 10 vjet se babai i saj biologjik ishte rokeri Todd Rundgren. Por pasi lideri i “Aerosmith”, Steven Tyler, i bëri një vizitë në shtëpi, ajo vuri re ngjashmërinë dhe u përball me të ëmën. Kjo e fundit i konfirmoi se Steven ishte babai i saj i vërtetë. Dy baballarët e Livit u takuan për herë të parë në martesën e saj me Roystone Langdon, me të cilin më pas u divorcua.

Clarc Gable: Aktori legjendar i njohur për rolin e tij në filmin “Gone With The Wind”, në ditët e tij të famës tërhoqi vëmendjen e shumë femrave. Teksa ishte i martuar me Maria Langham, Gable pati një moment romance me Loretta Young gjatë xhirimit të filmit “Call of the Wind” në vitin 1935. Si pasojë e kësaj lindi një vajzë, Judy Lewis, të cilën aktorja pretendonte se e kishte adoptuar. E vërteta u mbajt e fshehur derisa Young e zbuloi pak para se të vdiste në vitin 2000.

Naveen Andrews: Aktori simpatik i serialit “Lost”, teksa ishte në një lidhje të gjatë me aktoren Barbara Hershey, pati marrëdhënie me aktoren Elena Eustache nga ku lindi një djalë. Ai u nda nga e dashura Barbara në vitin 2009. Tani ai ka kujdestarinë e plotë të djalit të tij Naveen Joshua.

Evander Holyfield: Kampioni i peshave të rënda në boks pranoi në vitin 1998, një javë pasi gruaja e tij kishte lindur një fëmijë, se ai kishte edhe dy të tjerë jashtë martese. Boksieri është martuar tri herë dhe ka 10 fëmijë me gra të ndryshme.